Wednesday, July 21, 2010

കഥാപാത്രങ്ങള്‍












മനസ്സു മന്ത്രിച്ചു
ഇനിയും ഒരായിരം
ചിത്രങ്ങള്‍ തീര്‍ക്കണം
വാനോളം ഉയരത്തില്‍
കവിതക്കൊടി പാറിക്കണം
ആലസ്യത്തിന്റെ പഴകിപ്പറിഞ്ഞ
മൂടുപടം വലിച്ചുകീറി
കരുത്തിന്‍റെ പടച്ചട്ടയണിഞ്ഞു
ആര്ജവത്തിന്‍റെ തേരേറി
ഒറ്റയടിപ്പാത്തയിലൂടെ നടക്കുമ്പോള്‍
നോവും നീറ്റലുമില്ല
മനസ്സു വിറക്കുന്നില്ല
ശരീരം ഒട്ടും തളരുന്നില്ല

അസ്തമയ സൂര്യനെ നോക്കി
ചായങ്ങള്‍ ചാലിച്ചു
ചക്രവാളത്തില്‍ തെളിഞ്ഞ
പരശ്ശതം വര്‍ണ്ണക്കൂട്ടുകളില്‍
എന്‍റെ ചിത്രം അലിഞ്ഞില്ലാതായി
തീരത്തുപോയി കവിത കുറിക്കാനിരുന്നു
തിരമാല ആഴങ്ങളിലേക്ക്
വലിച്ചു കൊണ്ടുപോയി
ഇനി; മൂന്നാംപക്കം
തീരത്തണയുന്ന ജഡത്തെനോക്കി
നിങ്ങള്‍ വര്‍ണ്ണങ്ങള്‍ ചാലിക്കുക
ഒരു കൊച്ചു കവിത മെനയുക!

17 comments:

  1. എത്രയെത്ര കഥാപാത്രങ്ങള്‍!

    ReplyDelete
  2. കവിത ആധുനികോത്തരലൈനിലേക്ക് തിരിയുന്നുണ്ടോ എന്നൊരു ശങ്ക. എന്നെ പോലുള്ള കൂതറ വായനക്കാരെ മറക്കരുതേ.. മൂന്നാം പക്കം അഴുകാതെ വന്നാല്‍ ഒരു കവിത ഞാനും എഴുതും.

    ReplyDelete
  3. ഒരു കൊച്ചു കവിത മെനയണമെന്നുണ്ട്. പക്ഷെ....

    ReplyDelete
  4. ഒരു കൊച്ചു കവിത മെനയണമെന്നുണ്ട്. പക്ഷെ...ജീര്‍ണിച്ച ജഡമായി പത്രത്താളുകളില്‍ കാണുമ്പോള്‍......ഹോ അതോര്‍ക്കാന്‍ വയ്യ.

    ReplyDelete
  5. @Basheer & Akbar
    ഒരു കവി ആകണമെങ്കില്‍ ഇങ്ങനെ ഒക്കെ
    എഴുതണമെന്നു ഈയടുത്താ
    ഞാന്‍ മനസ്സിലാക്കിയത്!
    എല്ലാരും ചേര്‍ന്നു പൊക്കി എന്നെ
    ഈ പരുവത്തിലാക്കി
    അനുഭവിച്ചോ...
    ഞാന്‍ ഇപ്പൊ ഒരു ഉത്തരാധുനികനാ!!

    ReplyDelete
  6. അപ്പോ നിങ്ങല്‍ വേണം എന്ന് കരുതി ഇറങ്ങി പുറപ്പെട്ടതാ അല്ലെ ഉത്തരാധുനികനാകാന്‍ ...

    ReplyDelete
  7. കവിത വല്ലാതെ വളര്‍ന്നാല്‍ ഞങ്ങള്‍ കമ്മന്റ്ടിക്കാര്‍ വരളും

    ReplyDelete
  8. ന്നാ പിന്നെ ഇപ്പൊ അടുത്തൊന്നും ഞമ്മക്കീപണി പറ്റൂലാന്നാണ് ഈ പറഞ്ഞത്!!

    ReplyDelete
  9. സംഗതി പുലിവാലായ മട്ടാ
    എല്ലാവരുടെയും വര്‍ത്താനം തെക്ക് വടക്കാ...
    ചിലരൊക്കെ വന്നിട്ട് ഓടിക്കളഞ്ഞു പോലും
    (ഇ മൈലിലൂടെ സ്വകാര്യം പറഞ്ഞതാ)

    ReplyDelete
  10. ഉത്തരാധുനികതയുടെ തിരമാലകളില്‍ മുങ്ങി തപ്പി
    ഇനിയും കൊണ്ടു വരിക മുത്തുകള്‍ ഏറെ

    ReplyDelete
  11. സുന്ദരം..വായനക്കാനരന് നല്ല അനുഭവം ..

    ReplyDelete
  12. എന്തെല്ലാമോ ഒളിഞ്ഞിരിപ്പുണ്ടല്ലോ. മനസ്സിലായത്‌ മനസിലാക്കി
    ഇനി ഒന്നു കൂടെ വായിക്കട്ടെ. ഇടക്ക് ഇങ്ങനെയും നല്ലതാ

    ReplyDelete
  13. >> ഇനി; മൂന്നാംപക്കം
    തീരത്തണയുന്ന ജഡത്തെനോക്കി
    നിങ്ങള്‍ വര്‍ണ്ണങ്ങള്‍ ചാലിക്കുക
    ഒരു കൊച്ചു കവിത മെനയുക! <<
    ഉം..
    ഞാന്‍ വര്‍ണങ്ങള്‍ ചാലിക്കട്ടെ,
    കവിത തല്‍ക്കാലം
    ഇങ്ങളു തന്നെ മെനഞ്ഞാ മതി, അല്ല പിന്നെ!


    >> ഒരു കവി ആകണമെങ്കില്‍ ഇങ്ങനെ ഒക്കെ എഴുതണമെന്നു അടുത്തിടയാ
    ഞാന്‍ മനസ്സിലാക്കിയത്.. അനുഭവിച്ചോ <<
    അനുഭവിച്ചു കൊണ്ടേയിരിക്കുന്നു.
    ഇങ്ങളെ ഒരു കവിയായി അംഗീകരിച്ചിരിക്കുന്നു.
    മാലോകരേ കൂയ്, ഇതാ ഒരു ശവി, സോറി; ഗവി, ശ്ശോ ; കവി.


    സത്യം പറയട്ടെ,
    കവിത
    ഉസാറായിക്ക്ണ്!

    ReplyDelete
  14. ഈ അനുഭവം എനിക്കും ഉണ്ടായിട്ടുണ്ട് . ഒരിക്കല്‍ തിരയുടെ അടുത്തേക്ക്‌ ഇറങ്ങി നിന്നപ്പോ തിര എന്നെ കൊണ്ട് പോയി. പിന്നെ കടലിനു പോലും പറ്റാത്ത ഇനം ആയതു കൊണ്ട് തിര എന്നെ തീരത്ത്‌ കൊണ്ടിട്ടു. അനുഭവം വെച്ച് പറയുകയാണ് തിരയുടെ അടുത്തു പോയിരുന്നു കവിത എഴുതരുത്.

    എനിക്കതേ പറയാനുള്ളൂ.

    ReplyDelete
  15. എല്ലാ 'കമേണ്ടര്‍'മാര്‍ക്കും നന്ദി
    @ അക്ബര്‍
    ഗോള്‍.......

    ReplyDelete
  16. ഇനി; മൂന്നാംപക്കം
    തീരത്തണയുന്ന ജഡത്തെനോക്കി
    നിങ്ങള്‍ വര്‍ണ്ണങ്ങള്‍ ചാലിക്കുക
    ഒരു കൊച്ചു കവിത മെനയുക!

    കവിതകളെഴുതാന് ഇത്രയെറേബുദ്ധിമുട്ട് ഉണ്ടന്ന് ഇപ്പോഴാണ് മനസ്സിലായത്.!
    (കടപ്പുറത്ത് പോകണം,ജഡത്തെനോക്കിയിരിക്കണം......എല്ലാം കഷ്ടം തന്നെ.)

    ReplyDelete