അസൂയ കാര്ന്നു ശോഷിച്ച്
നേരും നെറിയും വറ്റി
മങ്ങിയ ക്ലാവു പിടിച്ച
അഞ്ജതയുടെ അടയാളങ്ങള് വിട്ട്
ഹിജ്റക്കു സമയമായി
അഹന്തയുടെ കൊടുമുടിയിറങ്ങി
പാപങ്ങളുടെ പടുകുഴി കയറി അഹന്തയുടെ കൊടുമുടിയിറങ്ങി
ദൂര്ത്തും ദുരയും തീര്ത്ത
തുരുത്തും ചുഴിയും വെടിഞ്ഞ്
ഹിജ്റക്കു സമയമായിനേരുകളുടെ തീരം തേടി
പകയും ദ്വേഷവും കൈകോര്ക്കുന്ന
അഴുകിയ തട്ടകങ്ങളില് നിന്ന്
മാനം വില്പനക്കു വെച്ച്
പണവും കൊയ്തു കൂട്ടുന്ന
കറുത്ത ഗര്ത്തങ്ങളില് നിന്ന്
ഹിജ്റക്കു സമയമായി
ശരിയുടെ കടിഞ്ഞാണ് പിടിച്ച്
ശിരസ്സുയര്ത്തി, ദിശയറിഞ്ഞ നടത്തം
ഉള്ളും പുറവും ചൂഴ്ന്നു നില്ക്കുന്ന
തമസ്സിന്റെ കൂര്ത്ത കൊമ്പുകള് വിട്ട്
നന്മയുടെ തെളിഞ്ഞ വീഥിയിലൂടെ
ബോധം തീണ്ടിയ യാത്ര
പുതിയ ഹിജ്റയുടെ വീഥി
മക്കയില് നിന്ന് മദീനയിലേക്കല്ല
അഹം എന്ന ഭാവത്തില് നിന്ന്
തിരിച്ചറിവിന്റെ ശാദ്വല തീരത്തേക്കാണ്
.... ഹിജ്റക്കു സമയമായി...!